· Angerlarsimaffik
· Silaannaap pissusiata
allanngoriartornera iserfigiuk
· Avatangiisinut tunngasut
iserfigikkitt
· Patajaatsumik
angingaasaqarnikkut
ineriartortitsinissaq
iserfigiuk
· Issittumi Siunnersuisoqatigiit
iserfigiuk
Canadap oqaasissaqartitaminnut aallartitaqarfii Avannaarpiarsua (North3) Canadap aallartitaqarfiinit naalagaaffinni issittormioqarfiusuni inissisimasunit aningaasatigut tapersersorneqarpoq IISD suleqatigalugu.
Alakkartilaaqisigut !
· Canada aammalu Issittormiut
· Danmarkimi
· Islandimi
· Finlandimi
· Norgimi
· Ruslandimi
· Sverigimi
Canadap oqaasissaqartitaminnut aallartitaqarfii
2007-08-lu tassa nunarsuaq tamakkerlugu isumaqatigiissutaasimasoq nunat issittormiut ukiussaattut, tassungalu tunngatillugu annertoorujussuarmik Nunarsuup Avannaarpiarsua pillugu paasisaqarnissaq ilisimatusarnissarlu pilersaarusiorneqarsimapput. Nunarsuaq tamakkerlugu Nunat Issittut Ukiuat aamma periafissiivoq nunarsuaq tamakkerlugu issittoqarfiusut eqqarsaatigissallugit sutigullu alloriarnertigut periarfissiisinnaanersugut, qanorlu qaamanerusumik tamatta angerlarsimaffigisarput Avannaarpiaarsuaniittoq illersorsinnaanerlugu.
Qanga attaveqaatit atorlugit avannaarpiarsuani attaveqatigiittarnerit pisariusimapput arriillutillu aamma ajornakusoorlutik. Ullutsinnili internettip periarfissippaatigut eqaatsumik misilittakkatsinnik siumut tunngavilinnik immitsinnut tunioraassiffigeqatigiinnisatsinnik. Immitsinnut ilisareqatigiinnikkut aatsaat Nunarsuup Avannaarpiarsua ikiorsinnaalissavarput nukittuumik ineriartortissinnanngussallugu.
Naak nunarsuup avannaarpiarsua isorartoorsuugaluartoq imaanngilaq nunat immikkoortitaartuisutullusooq avissaartitigaallutik katitigaasut. Nunaapput imminnut ataqatigiiaartut immikkoortitaakkat. Nunarsuup avannaarpiaarsuarmiut ataasiakkaat tamarmik ataqatigiiaartorsuupput Nunarsuup Avannaarpiarsuani inuusut ataatsimoorllutik.
Nunarsuup Avannaarpiarsuarmiut avatangiisit ataatsimooruppaat naapitassarisarlugillu periarfissarpassuit assigiiaat sumiluunniit najugaqaraluarlutik. Tamakku periarfissaatut atorneqarsinnaasut suli pitsaanerulersinneqarsinnaagaluarput nunat suleqatigiinerisigut – nunat ataasiakkaarlutik immikkoortitaarlutik sulineranninngarnit.
Pisariaqarpoq nunat tamat akornanni suleqatigiinnissaq, tassani isumaqatigiissutigineqassallutik silaannaap pissusaata allanngoriartorneranut avatangiisinillu mingutsitsisarnernut tunngasut, taakkumi nunat killeqarfiinik naalagaqarneq ajormata. Nunarsuup avannaarpiarsuarmiut sumiikkaluartulluunniit iluaqutigissagaluarpaat patajaatsumik aningaasaqarneq pillugu nunat akornanni paasissutissanik paarlaasseqatigiittalersinnaagaluarpata, taamaaqataanillu misilittakkatigut iluaqutaasinnaasutigut.
Nunarsuup Avannaarpiaarsuani apeqqutit assigiinngitsut pillugit nunat akonanni suleqatigiinnissaq siuarsarniarlugu 1996-mi Issittumi Siunnersuisoqatigiit pilersinneqarsimavoq. Issittumi Siunnersuisoqatigiinni nalagaaffiit arfineq- pingasut ilaasortaapput. Tassunga ilanngullugu Issittumi Siunnersuisoqatigiit asseqanngitsumik ilisarnaateqarpoq: toqqaannartumik nunarsuup avannaarpiarsuaniittunit nunat inoqqaavinit ilaasortaaffigineqarluni. Tamakku inuit tassaapput Nunarsuup Avannaarpiarsuani qangarsuaaniilli najugaqartuusimasut. Nunat inoqqaavisa suleqatigiifii arfinillit toqqaannartumik Issittumi Siunnersuisoqatigiinni ataavartumik ilaasortaapput.
Issittumi Siunnersuisoqatigiit suleqatigiiffiit assigiinngitsut arfinillit pilersissimavaat suliassanik pingaarutilinnik suliaqartussat. Taakku suliassaasa ilagaat ilaatigut imaatut:
Issittumi Siunnersuisoqatigiit sakkuuvoq piginnaanilik, nukittooq, nunarsuup avannaarpiarsuani suleqatigiinnerup siuarsarnissaani, aammalu iluaqutaassalluni inooqatigiinnerup, aningaasaqarnerup avatangiisillu pissusaasa tungaasigut pitsanngorsaanissani.