· Heim á upphafssíðu
· Loftslagsbreytingar
· Umhverfismál
· Sjálfbær efnahagsþróun
· Heimskautsráðið
Norður3 er styrkt af sendiráðum Kanada á heimskautasvæðum í samvinnu við IISD. Heimsæktu endilega heimasíður okkar!
Sendiráð Kanada:
· á Íslandi
· í Rússlandi
· í Finnlandi
· í Svíþjóð
· í Noregi
· í Danmörku
· Kanada og norðurheimskautssvæðin
2007-2008 er alþjóðlegt heimskautsár með víðtækri áætlun um vísindarannsóknir á norðurslóðum. Alþjóðlega heimskautsárið veitir okkur einnig tækifæri til að fjalla um heimskautssvæðin og huga að því til hvaða ráðstafana við ættum að grípa til að tryggja bjartari framtíð í sameiginlegum heimkynnum okkar í norðri.
Áður fyrr voru boðskipti um víðáttumikil norðursvæðin mjög hægfara og erfið. Nú á dögum auðveldar Internetið okkur að skiptast á reynslu og skoðunum. Með því að kynnast hvert öðru getum við stuðlað að þróun norðurslóðanna okkar og eflst.
Loftslagsbreytingar eru orðnar afar brýnt mál fyrir heimskautasvæði heimsins. Á þessum svæðum eru nú að verða mjög alvarlegar og víðtækar breytingar. Íbúar heimskautasvæðisins, svo og jurtir, skepnur og vistkerfi, eru afar viðkvæmir fyrir loftslagsbreytingum í framtíðinni, svo sem hækkandi hita.
Loftslagsbreytingar geta haft áhrif á lífshætti manna sem eru háðir hjarðlífi, veiðum á landi, fiskveiðum og jarðarnytjum. Þiðnun sífrera kann að hafa áhrif á vegi, brýr og aðra innviði samfélagsins. Minnkandi hafís getur valdið auknum illviðrum í strandhéruðum. Minnkandi aðgengi að hefðbundinni fæðu kann að hafa neikvæð áhrif á heilsufar manna. Minna aðgengi að góðu vatni getur einnig haft slæmar heilsufarslegar afleiðingar og hætta er á aukningu ýmissa sjúkdóma.
Breytingar á snjóbreiðum og ísbreiðum, þiðnun sífrera og hærri hiti sjávar mun hafa áhrif á lífsferil jurta. Einnig kann dýrategundum að fækka við breytingar á fæðuöflun og árstíðabundum ferðum dýra. Og afleiðingin verður aukið álag á gróður, dýr og vistkerfi norðurslóða.
Hvítabirnir er gott dæmi um dýr sem verða fyrir áhrifum loftslagsbreytinga. Vegna minnkandi ísbreiðna eiga birnirnir nú orðið erfiðara með að veiða seli, sem eru helsta fæða þeirra. Meðalþyngd ísbjarna fer minnkandi, færri húnar fæðast og afkoma þeirra er verri.
Lífsgæði á norðurslóðum eru háð því hve vel okkur gengur að aðlagast áhrifum loftslagsbreytinga.