· Angerlarsimaffik
· Silaannaap pissusiata
allanngoriartornera iserfigiuk
· Avatangiisinut tunngasut
iserfigikkitt
· Patajaatsumik
angingaasaqarnikkut
ineriartortitsinissaq
iserfigiuk
· Issittumi Siunnersuisoqatigiit
iserfigiuk
Canadap oqaasissaqartitaminnut aallartitaqarfii Avannaarpiarsua (North3) Canadap aallartitaqarfiinit naalagaaffinni issittormioqarfiusuni inissisimasunit aningaasatigut tapersersorneqarpoq IISD suleqatigalugu.
Alakkartilaaqisigut !
· Canada aammalu Issittormiut
· Danmarkimi
· Islandimi
· Finlandimi
· Norgimi
· Ruslandimi
· Sverigimi
Canadap oqaasissaqartitaminnut aallartitaqarfii
2007-08-lu tassa nunarsuaq tamakkerlugu isumaqatigiissutaasimasoq nunat issittormiut ukiussaattut, tassungalu tunngatillugu annertoorujussuarmik Nunarsuup Avannaarpiarsua pillugu paasisaqarnissaq ilisimatusarnissarlu pilersaarusiorneqarsimapput. Nunarsuaq tamakkerlugu Nunat Issittut Ukiuat aamma periafissiivoq nunarsuaq tamakkerlugu issittoqarfiusut eqqarsaatigissallugit sutigullu alloriarnertigut periarfissiisinnaanersugut, qanorlu qaamanerusumik tamatta angerlarsimaffigisarput Avannaarpiaarsuaniittoq illersorsinnaanerlugu.
Qanga attaveqaatit atorlugit avannaarpiarsuani attaveqatigiittarnerit pisariusimapput arriillutillu aamma ajornakusoorlutik. Ullutsinnili internettip periarfissippaatigut eqaatsumik misilittakkatsinnik siumut tunngavilinnik immitsinnut tunioraassiffigeqatigiinnisatsinnik. Immitsinnut ilisareqatigiinnikkut aatsaat Nunarsuup Avannaarpiarsua ikiorsinnaalissavarput nukittuumik ineriartortissinnanngussallugu.
Silap pissusaata allanngoriartornera avannaarpiarsuani nunap ilaanut tassanngaannartumik ajornartorsiortitsilersimavoq. Tamakkunani nunat ilaanni maluginiarneqalereerput siunissami kingunipilorisinnaasai. Nunarsuup Avannaarpiarsuani Nunani Issittoqarfinni najugaqarfiit, naasut, uumasut pinngortitanullu uumassusilinnut mianernartunuttaaq siunissami silap pissusaata allanngoriartornera taamak sukkatigisumik kissakkiartorneratigut navianartorsiulersitsisinnaavoq (sunniutipiloqarsinnaavoq).
Immaqa aamma silap pissusaata allanngoriartornerata eqqugassaasa ilagisinnaavaat, tuttuuteqarnermik, piniarniartuunermik, aalisartuunermik katersaqarlunilu piliniartarnernik inuuniuteqarnermi inooriaaseqarnermi pissusioreersunut. Aqquserngit, ikaartarfiit allallu sanaartukkat annertuut eqqugaasinnaapput nuna qeriuaannartoq aattulissagaluarpat. Immap sikua aakkiartulerpat sinerissani nunaqarfiit ulorianartorsiortitaalisapput anorersuarnerani malittusisalernera pissutigalugu. Peqqinnissakkuttaaq maluginiarneqalissaaq, nerisassammi inuuniutaasut sungiusimaneqareersullu pissarsiariniartarneri ajornakusoornerulissammata. Peqqissutsikkuttaaq pissutsit ajornerulersinnaapput erngup pitsaassusiata naammalluartumillu imeqassutsip allanngortitaanerisigut, tamatumuunakkut amikkisaartoqartalerlunilu malunnarsisinnaammat nappaatit assigiinngitsut takussaanerulersinnaasut.
Aputip sermillu nunap qaaginnaaniitup allanngoriartornerini, nunanilu nunat qeriuaannartut aakkiartornerisigut imavissuit kissassusaat qaffakkiartortillugu naasut pinngoriartortarnerinuttaaq sunniuteqalissaaq. Aammattaaq uumassusilinnut assigiinngitsukkaanut malunniuttussaassaaq, neriniarfigisartakkatik ineqarfigisakkatillu qimattariaqalissagamikkit nujuullutik. Ataatsimut isigalugu inernerissavaa Nunarsuup Avannaarpiarsuani nunani naasunut, uumasunut, uumassusillillu atuiffigeqatigiinnerannut ajornartorsiulernerujussuaq atuutilissammat.
Silaannap pissusaata allanngoriartorneranut tunngatillugu asserssutissatut nanoq taaneqarsinnaasunut ilaavoq. Immat sikuisa aakkiartornerat pissutigalugu nannunut annertuumik ajornakusoornerulersimavoq inuulluutigilluarnerpaasaminnik puisinik pissarsiniartarnerat. Nannut attaatsimut isigalugit qangaaniilli oqiliartulersimapput, nanuaqqallu erniusartut ikinnerulersimapput, uumaannarlutillu perortartut suli ikinniararsuanngorsimallutik.
Qagumiuna ilikkassagipput Nunarsuup Avannaarpiarsuani inuunerup pitsaasuunissaa anguniarlugu silaannaap pissusaata allanngoriartornerata kingunipilorisinnaasaasa unitsinneqarnissaat pillugit aalajangersaasiussalluta.