· Angerlarsimaffik
· Silaannaap pissusiata
allanngoriartornera iserfigiuk
· Avatangiisinut tunngasut
iserfigikkitt
· Patajaatsumik
angingaasaqarnikkut
ineriartortitsinissaq
iserfigiuk
· Issittumi Siunnersuisoqatigiit
iserfigiuk
Canadap oqaasissaqartitaminnut aallartitaqarfii Avannaarpiarsua (North3) Canadap aallartitaqarfiinit naalagaaffinni issittormioqarfiusuni inissisimasunit aningaasatigut tapersersorneqarpoq IISD suleqatigalugu.
Alakkartilaaqisigut !
· Canada aammalu Issittormiut
· Danmarkimi
· Islandimi
· Finlandimi
· Norgimi
· Ruslandimi
· Sverigimi
Canadap oqaasissaqartitaminnut aallartitaqarfii
2007-08-lu tassa nunarsuaq tamakkerlugu isumaqatigiissutaasimasoq nunat issittormiut ukiussaattut, tassungalu tunngatillugu annertoorujussuarmik Nunarsuup Avannaarpiarsua pillugu paasisaqarnissaq ilisimatusarnissarlu pilersaarusiorneqarsimapput. Nunarsuaq tamakkerlugu Nunat Issittut Ukiuat aamma periafissiivoq nunarsuaq tamakkerlugu issittoqarfiusut eqqarsaatigissallugit sutigullu alloriarnertigut periarfissiisinnaanersugut, qanorlu qaamanerusumik tamatta angerlarsimaffigisarput Avannaarpiaarsuaniittoq illersorsinnaanerlugu.
Qanga attaveqaatit atorlugit avannaarpiarsuani attaveqatigiittarnerit pisariusimapput arriillutillu aamma ajornakusoorlutik. Ullutsinnili internettip periarfissippaatigut eqaatsumik misilittakkatsinnik siumut tunngavilinnik immitsinnut tunioraassiffigeqatigiinnisatsinnik. Immitsinnut ilisareqatigiinnikkut aatsaat Nunarsuup Avannaarpiarsua ikiorsinnaalissavarput nukittuumik ineriartortissinnanngussallugu.
Nunarsuup Avannaarpiarsuaniittut nunat imminnut ataqatigiissutigaat anorit immallu sarfarneri. Silaannaq immallu sarfarneri assigalugit aamma kuussuit nunarsuup avannaarpiarsuata nunarsuup kujataa ataqatigaa. Mingutsitsinerit ulorianartut silaannaq imarlu aqqutigisinnaavaat, ajuusaarnaraluartumilli avannaarpiarsuup ilaanniittut ungasinnerujussuarmiittuniitut mingutsitsinermik eqqorneqarsinnaasut illersorneqanngillat.
MianersuaatsuIiorluni ulorianartumik akoorutinik Nunarsuup Avannaarpiarsuanut igitsisarnerit peqqutaapput radioaktivilinnik mingutsitsinernut. Taannali ajornartorsiut ajornerulersimavoq mingutsitsinerit nunarsuup kujataaniit anorimit, kuussuarnit immamillu angallanneqartarnerisigut. Akoorutissat ulorianartut uumasunut sunniuteqapiluttarput, tassami taamaasillutik mingutsitsinerit tamakku inuussutaasartunut pingaarutilinnut akuulersaramik. Mingutsitsinerit nunarsuup avannaarpiarsuani uumasut orsuinut akuliuttarput sananeqaataannut akuulernermikkut. Taamaasillunilumi inuit tamakkuninnga uumasunik nerisaqartartut ulorianartorsuarnit sunnertissinnaalissapput.
Mingutsitsinermik pissuteqartumik peqqinnissamut ajoqutaasinnaasut pinaveersaartinniarlugit nunarsuup avannaarpiarsuarmiut inooriaatsimikkut allannguutaasinnaasunik allanik nassaarniartariaqarput. Aappaatigullu silarsuaq tamakkerlugu suleqatigiittoqartariaqarpoq avatangiisinik mingutsitsisarnerni ajornartorsiutaasartut millisarniarneqarneranni. Silarsuaq tamakkerlugu isumaqatigiinniartarnerni suleqatigiinissat pisariaqarput kiisalu siunissaq ungasissoq mingutsitsinnginnissanik isumaqatigiissutaasimasut ataqqillugit akuersaarneqartarnissaat pisariaqarluinnarpoq. Taamaaliornikkut mingutsitsinerit aallaavigisartagaat unitsinneqassagaluarput, anorinit immanillu nunarsuup kujataaniit avannaarpiarsuanut angallanneqartinnagit. Patajaatsumik aningaasaqarnikkut ineriartortitsinissaq pillugu qupperneq